Ingia / Jisajili

Mabadiliko ya Swahili Music Notes

Swahili Music Notes imepata mabadiliko kadhaa. 

Admin wetu, amekuwa katika mchakato wa mabadiliko haya kwa muda mrefu sana, kusema ukweli, muda mrefu kupita kiasi. Hii ni kutokana na changamoto mbalimbali alizozipata admin katika kufanya ya kazi hii. Matokeo yake, shughuli mbalimbali za ku-review nyimbo na nyimbo za Jumapili zililega. Lakini shukurani kwa Mungu kwa kuweza kufanikisha yote, maana kama yote yataenda sawa, basi changamoto za kuchelewa kwa nyimbo na ku-review, zitapungua kwa kiasi kikubwa.

Mabadiliko yaliyofanyika:

  • Kwanza ni kubadilisha muonekano wa Swahili Music Notes kuwa katika mwonekano wa tofauti na wa kisasa kutokana na technolojia za wakati huu. Hii inafanya SMN ionekane vizuri katika kifaa chochote unachotumia, iwe simu, tablet au computer (laptop) yako. Logo yetu pia imebadilika kuwa katika mfumo wa kisasa.
  • Pili, kuonesha takwimu mbalimbali za nyimbo ambazo zimekuwa zikikusanywa kwa kipindi sasa. Hii ni kuleta picha ya matumizi ya nyimbo za SMN.
  • Tatu, ni kuweka utaratibu wa kuweka maoni, na ku-upload nota zilizo sahihi kwenye ukurasa wa nyimbo. Hii itasaidia ku control ubora wa nyimbo.
  • Nne, kuwapa baadhi ya watumiaji, uwezo wa ku-upload nyimbo na kuziweka live bila kumsubiri admin. Watumiaji wa SMN wataweza baadaye kupiga kura ili wadau wengine zaidi waweze ku-review nyimbo.
  • Tano, njia ya kuwasiliana na watunzi na wale-wanao-upload nyimbo kwa urahisi, pamoja na maboresho mengine madogo madogo.


Shukrani:

Tutoe neno la shukrani kwa watumiaji wote wa SMN kwa matumizi yenu ya website hii na mawazo mengi mliyotoa. Mawazo mengi ambayo yamefanyiwa kazi, ni mawazo ambayo yametoka kwenu. Yalikusanywa kwa pamoja na kufanyiwa kazi.

Tazama video hizi ili ufahamu zaidi:

 

Ukurasa mpya wa nyumbani:


Fahamu kuhusu Category na Nyimbo:


Muonekano wa SMN kwenye simu

 

Watunzi na ukurasa wa mtunzi


Nyimbo za Jumapili


Wafahamu Uploaders


Jinsi ya ku-upload nyimbo